「魚翅婚宴。人情七折」行動操作示範

前幾天 (2010-04-06) 上了香港電台的節目《千禧年代》接受訪問 (訪問在 約 8:40 - 9:00 am 之間進行)。節目中主持人之一周融先生問我「魚翅婚宴。人情七折」在實際層面可以怎樣操作。我想，視乎不同人之間的人際關係，是有很多種不同的操作方法的吧？！以下謹舉兩個例子，供大家參考。

例一：客人（阿寶）與新人（阿沙）

阿沙：　阿寶，我下個月結婚啦。你一定要嚟飲一杯呀！

阿寶：　嘩！又嚟一粒「粉紅色炸彈」！不過見係你，無計啦。幾號先？。。。

阿沙：　十號。。。

阿寶：　話時話啦。我支持環保o架，你會唔會支持環保搞個「無翅婚宴」先？

阿沙：　我早知你會講呢樣架嘞。「魚翅婚宴。人情七折」呀嘛。。。

例二：　新人（雯雯和明）與長輩

雯雯：　老爺奶奶，我地擺酒不如唔好落魚翅咯。

長輩：　點得呀？！無魚翅會失禮人客架。。。

明：　　唔係呀，阿爸阿媽。宜家有魚翅先至會失禮人呀。您哋有冇聽過「魚翅婚宴。人情七折」。好多人都唔鍾意菜單上有魚翅，重話要人情打折添呀！

長輩：　。。。

雯雯：　係呀。宜家好多鯊魚俾我地食到就嚟絶種啦。您哋都唔想第日要同啲孫講，話海洋裏已經冇哂鯊魚，係因為以前我哋將佢哋食哂。

長輩：　。。。

明：　　而且，因為鯊魚淨係魚翅值錢，啲漁民好多時用啲好殘忍嘅手法。例如將鯊魚鰭監生切落嚟，再將條鯊魚生勾勾推番落海，由佢自生自滅。報紙都有賣啦。。。。您唔信，我播條片您哋睇嘞。。。呢個同我地中國人講究節儉嘅美德有相違背噃。。。

長輩：　好啦，好啦。你哋啲後生話事啦！

雯雯與明相視一個眼神：（得咗！）

雯雯：　老爺奶奶，我哋請柬會寫明係「無翅婚宴」，到時係宴會上再揾司儀解釋，一定會做得好好睇睇嘅。

長輩：　我哋都希望第時個孫唔會以為鯊魚只係傳說中的動物。。。

－－　完　－－